هذيان

واثقة فيك... و انت عارف... بس بسأل... لو دا ينفع... ليه حياتنا مش بسيطة... ليه أمل يكذب... فيوجع... ليه تاخدنا حجات جميلة... لما بعد ما نمشي حبة... هيقابلنا الخوف... فنرجع... ليه واقعنا ماشي عكس منطق كل حاجة... ليه نخوض كل المعارك... لو هنخسر كل حاجة... ليه بنأذي لو نقرب... بس بردو البعد يوجع... ليه بنعجز... ليه نتوه... ليه بنمشي بالصدف... و اما حد بيفاجئنا اننا ماشيين... نقف... و اما نسأل روحنا ليه... تبريراتنا بتبقي ساذجة... لكن بنرفض نعترف... عمري ما وثقت ف إجابة... بس في دعوة مجابة... و انت مش بخلان عليا... و عارف الحيرة اللي بيا... و الحياة مش عايزة تتساهل معايا في أي مبدأ... فانتهي قبل ما ببدأ... و اقبل الواقع كدا من غير ما اصدق... نفسي أفهم و انت عارف... ليه حياتنا مش بسيطة... رغم إن العمر أقصر... و إن نادر لما تحصل حاجة بتخليها تفرق...